攰粤语什么意思(老司机大检验：你识得几多粤语手部招式？)
粤语里面嘅动词多到数唔晒，
早前同大家介绍过嘅
睥、𥄫属于眼部动作；
笑口噬噬就属于口部动作。
今日就同大家介绍几个
手部动作词
同佢哋嘅正确读音同写法。
1、攞（繁体字）：用手拿。
例：帮我攞杯茶过嚟，唔该。
拼音输入为 luo
2、拎：用手提。
例：拎住两大袋菜，真系攰死我啦！
拼音输入为 lin
3、揸：用手紧握。
例：开车放松啲，唔好揸到嘅胎盘咁实。
拼音输入为 zha
4、放：放置。
例：个玻璃杯唔好放喺度啊，好易跌烂噶！
拼音输入为 fang
5、趸：放置。
例：盆花就趸喺门口得啦，费事搬来搬去。
拼音输入为 dun
6、摆：放置。
例：死仔话咗你几多次啊，啲书睇完要摆返好吖嘛！
拼音输入为 bai
7、抌：扔、丢。
例：搵啲石仔抌只鸡。
拼音输入为 dan
8、揼：捶打、用拳头打。
例：次次都争小小赢，真系揼心口啦！
拼音输入为 beng
9、揿：用手按压。
例：入实验室揿紧急制。
拼音输入为 qin
10、扱：盖、印。
例：老世，份合同要扱章啊。
拼音输入为 cha
11、㨆：堆放。
例：又整乱啲书，你同我㨆返好啊！
拼音输入为 lin
12、扌冚：盖。
例：天气冻啦，扌冚好被先好瞓啊！
拼音输入为 kan
13、搽：涂抹。
例：肚痛搽啲驱风油先啦，好灵噶！
拼音输入为 cha
14、搂：披上、穿上。
例：夜麻麻出街，记得搂返件衫啊。
拼音输入为 lou
15、掹：拔、拽。
例：帮我掹咗条白头发先啦！
拼音输入为 meng
16、捻：用手指捏、按。
例：阿姐，啲橙你唔买就唔好捻啦！
拼音输入为 nian
17、擸：用手拨到一起。
例：是但擸啲碎银去搭车啦。
拼音输入为 la
18、撍：抽取。
例：撍乌龟都唔识玩？你撍我一只，我撍你一只，一对就放出嚟！
拼音输入为 qian
手部动作词又点止咁少！
为咗证明你嘅“手艺”，
你识得咩招式，快啲同我讲！
参考文献：
《广州话正音字典》
《实用广州话分类词典》
《普通话、广州话词汇用法对比词典》
記憶中嘅年味：飲啖茶，食件糕……
花尾渡賀年新品，純手工製作廣式糕點。經典蘿蔔糕、黃金馬蹄糕、牛奶紅豆糕、香濃芋糕，多種口味任君選擇！錫紙禮盒裝，食用更加安全，送禮體面過人！
零售價：￥48文/盒
點擊底部【閱讀原文】或掃描二維碼即可掃貨
淘寶購買請搜索店鋪【羊記雜貨鋪】
團購或定制請聯繫：020-83195715-805